YANGA KIMATAIFA KUSHUKA DIMBANI WEEKEND HII

Yanga inashuka dimbani weekend hii siku ya jumamosi katika mchezo wa Kombe la Shirikisho barani Afrika kucheza na Mouloudia Club D'Alger kutoka nchini Algeria ambao waliwahi kuwa Mabigwa wa Club bingwa Afrika mwaka 1976. Mchezo huo utachezwa majira ya saa 10 jioni kwa masaa ya Afrika Mashariki na kuongozwa na refa mwenye beji ya FIFA Louis Hakizimana kutoka Rwanda, wasaidizi wake Theogene Ndagijimana na Jean Bosco Niyitegeka ambao wote wawili wanatokea Rwanda pia. 

Viingilio vya mchezo huo ambao ni muhimu kwa Yanga kusonga mbele vimepangwa kuwa Sh 30,000 kwa VIP ‘A’; Sh 20,000 kwa VIP ‘B’ na ‘C’ wakati mzungunguko itakuwa ni Sh 3,000.

Akizungumzia mchezo huo, Kocha msaidizi wa Young Africans, Juma Mwambusi alisema: “Wachezaji wa Yanga wako na morali wa hali juu na kikubwa tunawaomba Watanzania kujitokeza kwa wingi kuishangilia timu hii kwa sababu ni klabu pekee iliyobaki ikiiwakilisha nchi.”